Xornadas “Resistindo a ocupación, sementando antiespecismo”

Xornadas “Resistindo a ocupación, sementando antiespecismo”, em prol Palestinian Animal League (PAL). Sábado 12 de Outubro de 11:30 a 18:30h.

11:30 Presentación das Xornadas

11:45h Palestra: “Por que o boicote a israel? Que podemos facer dende Galiza?” Campaña BDS  

 

“Non os imos a matar de fame pero ímolos someter a unha dieta extrema de adelgazamento”. Con esta frase comezaba o bloqueo á Faixa de Gaza.
Dez anos despois, e coa complicidade dos gobernos internacionais, o inventado estado sionista de Israel segue ocupando Palestina e oprimindo ao seu pobo.
A campaña de Boicote, Desinversións e Sancións nace da sociedade civil palestina nun chamamento mundial para pedir a gobernos e empresas que deixen de permitir e colaborar cos abusos de Israel. Diversas campañas internacionais xuntan as súas forzas ante este chamamento polos dereitos humans e a fin do bloqueo, ás que se suma BDS Galiza.

14h Xantar Popular en prol de PAL

16h Proxección/Charla: “Activismo baixo a ocupación”

Charla que proxectaremos, dada por Liz Tyson, Coordinadora dos Programas “Defensa Animal” e “Activismo” de Palestinian Animal League.

 

A charla trata dos desafíos, perigos e oportunidades particulares que teñen que enfrontar as persoas que fan activismo polos dereitos dos demais animais en Palestina. Móstrase o traballo de PAL e a loita polos dereitos humanos contra a ocupación palestina como exemplos de como o movemento pola xustiza social e o activismo maniféstanse necesariamente de maneira diferente nos territorios ocupados respecto doutros lugares, e como os diferentes desafíos se combinan e interactúan entre si. O discurso trata da necesidade de considerar ambos os dous dereitos: os humanos e os dos demais animais, e trata tamén sobre se PAL pode ter éxito nunha das contornas máis desafiantes do mundo.

 

“Mmmm… SÓ UNHA PROXECCIÓN? Un tema tan interesante e non teremos oportunidade de facer preguntas?”, estarás a pensar…

 

17:15h “Proxección Skype con Ahmed Safi”

Pois si que haberá oportunidade! Haberá unha sesión de Skype con Ahmed Safi, Director Executivo e fundador de PAL quen, en directo desde Palestina, responderá ás dúbidas que teñades.

magosto popular

mércores 26 de outubro proxección documental: “colombia invisible”

 

“Colombia Invisible” (coprod. España-Colombia, ano 2013, 64 min.) é un documental producido, escrito e dirixido por Unai Aranzadi, que aborda as raices do sanguento conflicto colombiano.

Unai Aranzadi, mediante a recopilación da testemuña dos sen voz, e crudas e reveladoras imaxes de arquivo, acheganos a algúns dos moitos acontecementos de explotación e represión do pobo colombiano por parte da élite; revelandonos que ainda hoxe en Colombia esta sometido a estratexia centenaria da oligarquía: a criminalización e aniquilación de calquer movemento de defensa dos dereitos civis e sociais ou autoorganización das clases populares.”

palestra o sábado 22 de outubro

concerto borraz con z

Natural do barrio de Gràcia, Luis, comezou o seu proxecto en solitario en 2014. Nun ano xa materializou o seu primeiro disco #peregrinoZ con moitas colaboracións e, dende entón, anda sempre con Anita, voz e caixón. Barcelona pronto se lles quedou pequena, e viven de xeito nómado exportando a súa música alá onde van. Actualmente están preparando o seu segundo disco “Los niños no tienen bandera”

charla “a batalla pola compasión”

O próximo mércores 5 de outubro, ás 20:30, xuntaremonos na Cova dos Ratos (R/Romil 3) para falar sobre os valores da Panificadora e o Barrio do Cura, asi como da desastrosa política de especulación e populismo de Abel Caballero, que están a impedir a conservación e disfrute do noso Patrimonio Cultural e espazo público.

O acto será presentado por Uxío Reinoso, historiador e “activista social” (Entremos na Panificadora, Horta Colectiva do Berbés, Cova dos Ratos,…), que ademáis de repasar os valores destes dous espazos históricos, informaranos das consecuencias das últimas sentencias xudiciais nestes ámbitos.

Despois desta presentación, abrirase o coloquio a todas as presentes, no que entre outros temas que vexamos oportunos, poderiamos analizar as estratexias do poder politico e económico no noso Casco Vello, así como artellar e desenvolver a resposta popular, para que sexa a cidadania, e non as especuladoras, a que tire proveito destes incribles espazos de oportunidade.

Achégate, seguro que tes algo que aportar!

A Cidade é nosa e non das Especuladoras!